संयुक्तराज्य अमेरिकामा कोरोना भाइरस कोभिड १९ बाट संक्रमित हुनेको संख्या १२ लाख नाघेको छ ।सोमबार २४ हजार ७ सय थपिएसँगै त्यहाँ कोरोना संक्रमितको कुल संख्या १२ लाख नाघेको हो ।त्यस्तै, अमेरिकामा मृतकको संख्या ६९ हजार ९२१ पुगेको छ । विगत २४ घण्टामा मात्रै त्यहाँ कोरोनाबाट १ हजार ३२४ जनाले ज्यान गुमाएका छन् ।
अमेरिकामा उपचारपछि निको हुने संक्रमितको संख्या दिनहुँ बढिरहेको छ । मंगलबार बिहानसम्म त्यहाँ १ लाख ८८ हजार व्यक्तिले कोरोना जितेर घर फर्किएका छन् ।अमेरिकामा अहिले ९ लाख ५४ हजार संक्रमित उपचाररत छन् । जसमध्ये १६ हजार व्यक्तिको अवस्था गम्भीर रहेको छ ।अमेरिकामा हालसम्म ७४ लाख ६२ हजार बढी व्यक्तिले कोरोना परीक्षण गरिसकेका छन् ।
विश्व महामारीका रुपमा फैलिएको यो भाइरसबाट आज बिहानसम्म ३६ लाख ४४ हजार ८ सय व्यक्तिमा कोरोना पुष्टि भएको छ । जसमध्ये ११ लाख ९४ हजारले कोरोना जित्दा २ लाख ५२ हजार संक्रमितको भने मृत्यु भएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
