महोत्सवमा इन्दिरा जोशीको धमाकेदार प्रस्तुति
दुई करोडको कारोबार भयो– कोषाध्यक्ष खत्री

मकवानपुर थाहा नगरपालिकाको इन्द्रायणी चौरमा भइरहेको दोस्रो थाहा महोत्सवको साँङ्गितिक महोल राष्ट्रिय तथा स्थानीय कलाकारहरुले तताई रहेका छन् । काठमाण्डौ तथा देशका मुख्य शहरबाट दिनदिनै आउने विभिन्न कलाकारहरु तथा स्थानीय कलाकारहरुको प्रस्तुतिले महोत्सवलाई कृषि र पर्यटनको प्रवद्र्धनको साथै मनोरञ्जनकाको पनि केन्द्र बनेको छ । 
महोत्सव हेर्न स्थानीयहरु दिनदिनै महोत्सव स्थल इन्द्रायणी चौर पुग्ने गरेका छन्  । महोत्सवको नवौं दिन ५ असोजमा चर्चित गायिका इन्दिरा जोशीको प्रस्तुति रहेको थियो ।  ..उध्रेको चोली.. बोलको गितबाट निकै चर्चा कमाएकी गायिका जोशीले माछि मारन हो... लगायतका गितहरु गाएर दर्शकहरुलाई फुरफुर्र पारेर नचाइन् । कार्यक्रममा उनको गित शुरु हुने वित्तिकै दर्शकहरु नाचिहाल्थे । कार्यक्रममा गायिक जोशी सहित मकवानपुर आइडल दिपराज केसी तथा थाहा आइडलका नृत्य तथा गायनतर्फका कलाकारहरुले पनि प्रतिस्पर्धासंगै मनोरञ्जन दिएका थिए ।
यसैबीच महोत्सवको नवौ दिनसम्म करिब दुई करोडको कारोबार भएको महोत्सवका मुख्य आयोजक थाहानगर उद्योग वाणिज्य संघका कोषाध्यक्ष शिवकुमार खत्रीले जानकारी दिए । महोत्सव अवलोकनका लागि २० हजार टिकट वितरण भएको पनि उनले बताए । दोस्रो थाहा महोत्सवमा होटल स्टल ११,  मुख्य स्टल २०८, खुल्ला पसल ८, कृषि प्रर्दशनीको लाइनमा १०, विशेष स्टल ९ वटा र ३ वटा स्टल बाल मेला गरी कुल २७० वटा रहेको छ ।