मकवानपुरको थाहा नगरपालिकाले १ कार्तिकबाट विहान ९ बजेबाटै सेवा सुचारु गरेको छ । कार्यालयमा कर्मचारीको कमी हुँदा पनि प्रभावकारी तथा सर्वसुलभ सेवा प्रदान गर्नको लागि विहान नौ बजेबाटै सेवा थालनी गरिएको कार्यकारी अधिकृत हरिलाल पुरीले जानकारी दिए ।
थाहा नगरपालिकामा नयाँ कार्यकारी अधिकृतको रुपमा आएका हरिलाल पुरीको अध्यक्षतामा २३ असोजमा बसेको पहिलो कर्मचारी बैठकबाट निर्णय गरी कार्यान्वयनमा ल्याइएको हो ।
यसरी विहान ९ बजेबाटै सेवाग्राहीलाई सेवा प्रदान गर्ने थाहानगर जिल्लाकै पहिलो स्थानीय तह भएको छ । कार्यालय समयमा कर्मचारीहरुले इमान्दार भएर काम गर्न कार्यकारी अधिकृत पुरीले निर्देशन दिएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
