मकवानपुरको बकैया गाउँपालिकाको छतिवनमा आधारभूत प्राथमिक उपचार सम्बन्धि तालिम भएको छ । तीन दिनसम्म सञ्चालित तालिम बालकल्याण समाज मकवानपुरको आयोजना तथा मर्सिकोर नेपालको सहयोगमा भएको हो ।
बकैया गाउँपालिका र जिल्ला रेडक्रस सोसाइटी मकवानपुरको समन्वयमा भएको तालिममा छतिवनका पाँच वटा विद्यालयका विद्यार्थीको सहभागिता थियो । रेडक्रस सोसाइटी, विपद् संयोजक छतिवन उपशाखाका संयोजक हरिहर खनालको अध्यक्षता तथा बकैया गाउँपालिकाका उपाध्यक्ष सरला बोलखेको प्रमुख आतिथ्यमा तालिम समापन गरिएको छ । समापन कार्यक्रममा जिल्ला रेडक्रस सोसाइटी मकवानपुरका उपमन्त्री रिता खनाल, बालकल्याण समाज मकवानपुरका परियोजना अधिकृत आरपी दाहाल लगायतको आतिथ्यता थियो ।
तालिममा लक्ष्मण भट्टराई, यशोदा श्रेष्ठ, रामजी खतिवडा र स्वस्तिका थापाले सहजीकरण गरेको परियोजनाका लेखा अधिकृत केशव दाहालले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
