मकवानपुरको थाहा नगरपालिकाको थाहामा रहेको नेपालकै लामो मानिने फलामे भ¥याङमा छायांकन भएको गाँजालु आँखैले बोलको गीत सार्वजनिक भएको छ ।
हेटौंडाका गायक आशिष अस्लामी मगरको स्वरमा रहेको गित थाहा नगर निवासी विवेक पाख्रिनले रचना गरेका हुन् । पर्यटकीय नगरीको सुन्दर दृश्य सहित सोल्टा सोल्टीनीको प्रेम दर्शाइएको उक्त गीतमा कलाकारहरु भुपेन्द्र राना र सुजु मगर मुख्य भुमिकामा रहेका छन् । स्थानीय लोक संस्कृतिको झल्को दिने शैलीमा युवा युवतीका प्रेम देखिन्छ ।
गायक मगरको क्या राम्री बोलको गीतको शृङख्ला दूईको रुपमा आएको गाँजालु आँखैको निर्देशन थाहा कला केन्द्रका अध्यक्ष सानुबाबु मोक्तानले गरेका हुन् । म्युजिक भिडियो एजे टिम हेटौंडाले खिचेको हो भने संगीत संयोजनमा अमृत ल्वागुनले गरेका हुन् । गीतमा सञ्चारकर्मी अमृत चिमरिया, कृपा गोपाली, सुब्बु रिजाल र सानुबाबु मोक्तानको अभिनय रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
