मकवानपुरको हेटौंडा स्थित थाना भ¥याङबाट ८५ किलो गाँजा सहित एकजना पक्राउ परेका छन् ।
पक्राउ पर्नेमा कैलाश गाउँपालिका–१ घर भई हाल चितवनको ईच्छा कामना गाउँपालिका–७ बस्ने ३० वर्षीय गणेश थापा रहेको जिल्ला प्रहरी कार्यालय मकवानपुरले जनाएको छ ।
विशेष सूचनाको आधारमा मनहरीबाट हेटौंडातर्फ आउँदै गरेको बा १२ च ८५५६ नम्बरको कारलाई जिल्ला प्रहरी कार्यालय मकवानपुरबाट खटिएको प्रहरी निरीक्षक पवन कुमार झाको कमाण्डको मोबाईल टोलीले चेकजाँच गर्ने क्रममा कारको पछाडी डिक्कीमा लुकाएर गाँजा ल्याउँदै गर्दा उनलाई पक्राउ गरिएको पत्रकार सम्मेलन मार्फत जानकारी दिईएको छ ।
थापाले २ लाख रुपैँया पाउने लोभमा उक्त परिमाणको गाँजा ज्यामिरेबाट बाराको पथलैयासम्म पुर्याउने जिम्मा लिएको प्रारम्भिक अनुसन्धानबाट खुलेको जिल्ला प्रहरी कार्यालय मकवानपुरका एसपी मुकेश कुमार सिंहले जानकारी दिए ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787203379.png)
![yfxf-kf]lnlSnlgsdf-ljz]if-1787138887.png](https://www.thahatimes.com/public/images/news/2026-08-19/400/yfxf-kf]lnlSnlgsdf-ljz]if-1787138887.png)
