मकवानपुर थाहा नगरपालिका क्षेत्रबाट कोरोना शंकास्पद तथा कोरोना संक्रमित जिल्लाबाट आएका १७ जनाको पिसिआर गरिएको छ भने ६६ जनाको आरडिटी गरिएको छ । दुबै विधिबाट कोरोना परीक्षण गर्दा सबैको रिपोर्ट नेगेटिभ अर्थात कोरोना नभएको पाइएको थाहा नगरपालिका स्वास्थ्य संयोजक मेघराज बलामीले जानकारी दिए ।
थाहा नगरपालिकाले गरेको परीक्षणको दायरा बढाउन स्थानीयहरुले माग गरेका छन् । काठमाण्डौंबाट तराईमा समेत आवतजावत हुने मूल बाटो भएकोले यहाँ कोरोना परीक्षणको दायरा बढाउन स्थानीयहरुले माग गरेका हुन् । यद्यपि स्वास्थ्य कार्यालयबाट प्राप्त आरडिटी किट प्राप्त भए अनुसार घरघरमै पुगेर परीक्षण भैरहेको नगरपालिकाले जनाएको छ ।पिसिआर गर्नको लागि भने हेटौंडा पठाइएको हो ।
मकवानपुर थाहा नगरपालिकामा कोरोना भाइरस (कोभिड–१९) को रोकथाम तथा नियन्त्रणका लागि उच्च सतर्कता अपनाइएको छ । यसका लागि अन्यत्रबाट आएका नागरिकहहरुको निगरानी थाहा नगरपालिका अन्तर्गतका डाक्टर सहितको स्वास्थ्यकर्मीहरुले फलोअप तथा दिनदिनै स्वास्थ्य परीक्षण गरिरहेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
