हेटौंडा उपमहानगरपालिकाले दैनिक ज्यालादारी गरेर हातमुख जोर्न समस्या भएका मजदुरहरुलाई खाद्यान्न वितरण गर्न सुरु गरेको छ । कोरोना भाइरसको त्रासका कारण सरकारले लकडाउन गरेपछी निर्माण क्षेत्रमा काम गर्नका लागि समस्या भोग्दै आएका मजदुरका लागि खाद्यान्न वितरण गर्न सुरु गरेको हो ।
लकडाउनका कारण दैनिक ज्यालादारी र निर्माण क्षेत्रमा काम गर्नका लागि समस्या भोग्दै आएका मजदुरका लागि आजबाट चामल, दाल र नुन वितरण गर्न सुरु गरिएको हेर्टौंडा उपमहानगरपालिकाका मेयर हरिबहादुर महतले वताए ।
हेटौंडामा जसको घर र जमिन छैन, कोठा भाडामा परिवार सहित बस्नुपर्ने बाध्यता भोग्दै आएका छन् र खाद्यान्नका सामान सकिसकेका परिवारलाई वितरण गर्न सुरु गरिएको हो । आज मात्र निर्माण क्षेत्रमा काम गर्ने मजदुरहरुको संस्था क्युपेक नेपाल मकवानपुरसंगको सहकार्यमा एक हजार केजी चामल, २ सय केजी दाल र एक सय प्याकेट नुन वितरण गरिएको मेयर महतले वताए ।
सवै मजदुरलाई एकै पकट बोलाएर वितरण गर्दा भिड बढी हुने भएकाले क्युपेक संस्थालाई जिम्मा दिएर त्यस मार्फत पालैपालोसंग वितरणको तयारी भएको मेयर महतले वताए । दैनिक ज्यालादारी गर्ने मजदुरको एकिन तथ्याङक पनि हेटौंडाका १९ वटै वडाका वडा अध्यक्ष र वडा सदस्यहरु मार्फत संकलन गर्ने र बास्तविक मजदुर परिवार जसलाई खानको समस्या परिसकेको छ उनीहरुका लागि मात्र वितरण सुरु गरिएको मेयर महतले वताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
