हेटौंडा उपमहानगरपालिका वडा नंबर ३ स्थित पुर्व पश्चिम लोकमार्ग सडक खण्डमा लागु औषध गाँजा १० किलो २८८ ग्राम सहित ३ जना पक्राउ परेका छन् ।
१९ असोज बिहान उक्त सडक खण्डमा ३-०३-००१ ज ००१२ नंबरको यात्रुवाहक म्याजिकलाई रोकी चेकजाँच गर्दा उक्त म्याजिकमा सवार ३ जनाले बोकेको जेब्रा झोलामा लागु औषध गाँजा फेला पारको जिल्ला प्रहरी कार्यलय मकवानपुरले जनाएको छ ।
गाँजा सहित पक्राउ पर्नेहरुमा हेटौंडा उपमहानगरपालिका वडा नंबर १९ का ४६ वर्षीय बिर बहादुर घलान,मनहरी गाउँपालिका वडा नंबर ५ की ४० वर्षीया सृजना तामाङ र कैलाश गाउँपालिका वडा नंबर १० का २४ वर्षीय प्रकाश तामाङ गरी ३ जना रहेको प्रहरीले जनाएको छ । पक्राउ परेका ३ जनामाथि अनुसन्धान भईरहेको जिल्ला प्रहरी कार्यलय मकवानपुरले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
