नागरिकता लिदा झुटो विवरण पेस गरेको आरोपमा हेटौंडाका उद्योगी बिके बोसलाई प्रहरीले पक्राउ गरेर रौतहट पठाएको छ । रौतहटको जिल्ला अदालतले पक्राउ पुर्जी जारी गरेकाले उनलाई पक्राउ गरेर पठाइएको जिल्ला प्रहरी कार्यालय मकवानपुरका प्रहरी नायब उपरिक्षक इन्द्रबहादुर रानाले वताए ।
बोस हेटौंडा औद्योगिक क्षेत्रमा रहेको सुपर लेमिकोट्स प्रालि र गर्दोइमा रहेको नारायणी मिल्कका संचालक रहेका रव्याडमिन्टन खेलमा ख्याती प्राप्त राष्ट्रियस्तरका खेलाडिका रुपमा सबैले चिन्ने गरेका छन् । हेटौंडाका औदोगिक क्षेत्रका उद्योगी ५९ वर्षीय विप्लपकान्ती (विके बोस) नागरिकता मुद्धामा पक्राउ गरिएको उनले वताए ।
जिल्ला प्रशासन कार्यालय रौतहटमा झुठो विवरण पेश गरी नेपाली नागरिकता लिएको मुद्धामा बोसलाई पक्राउ गरिएको प्रहरीले जनाएको छ । प्रहरीको टोलीले हेटौंडा–५ गर्दोईबाट पक्राउ गरेको हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
