थाहा नगरपालिका वडा नम्बर ६ बाट ४ दिन अघि हराउको मोटरसाइकल फेला परेको छ । ५ असोज राती वडा नम्बर ६ को बज्रवाराहीबाट हराएको मोटरसाइकल फेला परेको हो ।
वडा नम्बर ६ को बज्रबाराही बजारका सरलाल गोपालीको प्रदेश नं. ३–०२–०१३ प ६८९९ नम्बरको एफजेडएस शुद्दचन बलामीको बा ९३ प ८०५४ नम्बरको पल्सर मोटरसाइकल फेला बलामीलाई ९ असोजमा हस्तान्तरण गरिएको हो । इलाका प्रहरी कार्यालय पालुङका मोटरसाइकल धनीद्वय बलामीलाई हस्तान्तरण गरिएको पालुङ प्रहरीले जानकारी दिएको छ ।
इलाका प्रहरी कार्यालय पालुङ मातहत ईलाका प्रहरी कार्यालय चित्लाङ साथै सवारी धनी समेतको सक्रियतामा खोज तलास गर्दै जाँदा उक्त मोटरसाईकलहरु ८ असोजमा धादिङको धुनिवेशी–७ स्थित सार्वजनिक ग्रामिण सडकमा वेवारिसे अवस्थामा फेला परेका थियो । भेटिएका मोटरसाइकलहरु अनुसन्धानको लागी इलाका प्रहरी कार्यालय पालुङमा ल्याईएको र आवश्यक अनुसन्धान पश्चात सम्बन्धित धनीहरुलाई बुझाईएको इलाका प्रहरी कार्यालय पालुङले जनाएको छ ।
हराएको मोटरसाइकल पाएपछि सरलाल बलामीले इलाका प्रहरी कार्यालय पालुङलाई धन्यवाद दिएका छन् । उनले प्रहरीको सहयोगमा आफ्नो हराएको मोटरसाइकल ४ दिनपछि पाउन सफल भएकोमा खुशी व्यक्त गरेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
