मकवानपुर प्रहरीले दुर्लभ वन्यजन्तु सालकको खपडासहित ३ जनालाई पक्राउ गरेको छ ।
पक्राउ पर्नेहरुमा हेटौंडा उपमहानगरपालिका वडा नम्बर १२ बस्ने ३२ वर्षीय लाल सिं बोम्जन, मनहरी गाउँपालिका वडा नम्बर ७ बस्ने ३९ वर्षीय अबमिकल घलान र चितवनको राप्ती नगरपालिका वडा नम्बर ७ बस्ने ५५ वर्षीय बधुवा चौधरी रहेका छन् ।
उनीहरुलाई विशेष सूचनाको आधारमा ईलाका प्रहरी कार्यालय मनहरी मकवानपुरबाट खटिएको प्रहरी टोली बिहिबार दिउँसो मनहरी–७ बाट पक्राउ गरेको हो ।प्रहरीले उनीहरुको साथबाट ६ सय ५० ग्राम दुर्लभ वन्यजन्तु सालकको खपडा बरामद गरेको जनाएको छ ।
प्रहरीका अनुसार, पक्राउ परेका उनीहरुलाई आवश्यक कारबाहीको लागि डिभिजन वन कार्यालय राप्ती मनहरी, मकवानपुर पठाईएको छ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
