थाहा नगरपालिका शिक्षा समितिको आयोजनामा सामुदायिक विद्यालयहरुका लागि तीन दिने सूचना प्रविधि सम्बन्धी क्षमता अभिवृद्धि तालीम विकास घरमा शुरु भएको छ । तालीममा मकवानपुर नामटारको बसीफाँट मावि र थाहानगरका ३० जना शिक्षकहरुको सहभागिता रहेको छ । तालीमका सहभागीहरुलाई शिक्षा विभागका उपनिर्देशक डा.बाबुराम ढुङ्गाना, शिक्षा मन्त्रालयको उपसचिव बद्री बहादुर पाठक र शिक्षा मन्त्रालयका कम्प्युटर अपरेटर मिलन शाहले सहजीकरण गरिरहेका छन् ।
सामुदायिक विद्यालयहरुको पहुँच सूचना प्रविधिमा बढाउने र अध्ययन अध्यापनलाई सूचना प्रविधिसंग जोड्ने उद्देश्यले तालीम दिइएको थाहा नगरपालिका प्रशासन शाखा प्रमुख अनिल लामिछानेले बताए । कार्यक्रममा थाहा नगरपालिकाका कार्यकारी अधिकृत भिम परियार, जनकल्याण उच्च माविका प्राचार्य सानोभाइ कार्कीलगायतकाको सहभागिता रहेको थियो ।
