मकवानपुर थाहा नगरपालिकाका १ सय ३० को पिसिआर रिपोर्ट आएको छ । सामुदायिक कोरोना भाइरस कन्ट्याक ट्रेसिङ परीक्षण अन्तर्गत नगरपालिकाको वडा नम्बर १, २, ३ र ४ तथा वडा नम्बर ६ को प्यासिफिक सहकारी र विसिङ्खेलका १ जनाबाट संकलन गरी पठाइएका स्वाबको पिसिआर रिपोर्ट आएको हो ।
राष्ट्रिय जनस्वास्थ्य प्रयोगशाला काठमाण्डौंमा गरिएको स्वाब परीक्षणमा सबैको नतिजा नेगेटिभ आएको थाहानगर क्वारेन्टिन इन्चार्ज डाक्टर उदय रोकाले जानकारी दिए । समुदायमा कोभिड–१९ परीक्षण अन्तर्गत यसअघि टिष्टुङका ४१ जनाको स्वाब परीक्षण रिपोर्ट पनि नेगेटिभ नै आएको थियो ।
यहि १० र ११ भाद्रमा संकलन गरेको स्वाबको नतिजा १३ भाद्रमा आएको हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
