मकवानपुर थाहा नगरपालिका वडा नम्बर ४ का पुर्णध्वज केसीको स्मृतिमा २५ जेठ शिखरकोटमा दीप प्रज्वलन गरिएको छ । उनको सम्झनामा मौन धारण पनि गरिएको छ । शिखर क्लब, शिखरकोट बजार व्यवस्थापन समिति तथा पालुङको संयुक्त आयोजनामा दीप प्रज्वलन गरिएको पालुङ जेसीज वर्ष २०२० का उपाध्यक्ष निरज रायमाझीले जानकारी दिए ।
२२ जेठमा चित्लाङ–थानकोट सडक खण्डको सेतो पहरा नजिकै जेसीबि दुर्घटना भएर गम्भीर घाइते भएका केसीको काठमाण्डौंमा उपचारको क्रममा निधन भएको थियो ।
स्थानीय समाजसेवीको रुपमा परिचय बनाएका केसी शिखर क्लबका उपाध्यक्ष, शिखरकोट बजार व्यवस्थापन समितिका उपाध्यक्ष, पालुङ जेसीज वर्ष २०२० का जनसम्पर्क अधिकारीलगायत अन्य थुपै सामाजिक संघसंस्थामा रहेर काम गरेका छन् ।
दीप प्रज्वलन कार्यक्रमको अवसरमा आयोजक संस्थाहरुले निधन भएका केसीको परिवारलाई सहयोग गर्ने जनाएको छ । १३ औं दिनको पुण्य तिथीमा श्रद्धाञ्जली सभा गर्ने जानकारी दिदै आयोजक संस्थाहरुले सहयोगका लागि सबैलाई अनुरोध गरेको छ । वि.सं. २०४४ साल असोज २ गते शिखरकोटमा जन्मिएका केसीको परिवारमा आमा, श्रीमती, एक छोरी र दुई छोरा छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
