संचारकर्मी राजेश थापा ‘गरिब’ को पहलमा मकवानपुरको मकवानपुरगढी गाउँपालिका वडा नंबर ५ का मृगौला पीडित उद्धवराज ढकाललाई २१ हजार ३ सय सहयोग प्राप्त भएको छ ।
बुधबार पीडित ढकालकै घरमा पुगि सो रकम हस्तान्तरण गरिएको हो । संचारकर्मी गरिबले विभिन्न व्यवसायीहरुबाट प्राप्त भएको सहयोग रकम सहयोग गरिएको बताए । उनले पीडित ढकालको उपचारको लागि सकेको रकम सहयोग गर्न समेत आग्रह गरेका छन् ।
ढकाल विगत ७ वर्ष देखि मृगौला पीडित रहेका ढकालले आफ्नो उपचारको क्रममा ३० लाख भन्दा बढी खर्च भईसकेको बताएका छन् । आफ्नो खेती योग्य जग्गा बचेर डाईलोसिस गराईरहँदा उक्त खर्च भएको उनको भनाई छ । उनले अब मृगौला प्रत्यारोपणको लागि करिब ८० लाख खर्च लाग्न सक्ने डाक्टरले बताएको जानकारी दिए । उनले आफ्नो जिवन रक्षाको लागि सबैलाई सकेको सहयोगको गर्न अपिल गरेका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
