मकवानपुर थाहा नगरपालिकाको शिखरकोटमा कृष्णाष्टमीका दिन यस वर्ष २७ साउनमा लाग्ने मेला नहुने भएको छ । कोरोना भाइरसको उच्च जोखिमका कारण शिखरकोटको कृष्ण मन्दिर नै नखुल्ने शिखरकोट बजार व्यवस्थापन समितिका अध्यक्ष मनोज रायमाझीले जानकारी दिए ।
कोरोना भाइरसको जोखिमलाई न्यूनीकरण गर्न यसवर्ष घरघरमै पुजाआजा गरी कृष्णाष्टमी मनाउन थाहा नगरापालिका ३ का वडा अध्यक्ष राजेश केसीले श्रद्धालुहरुलाई आग्रह गरेका छन् ।
त्यस्तै, कृष्णाष्टमीको भोलिपल्ट मनाइने घैंटो फुटाउने जात्रा पनि यो वर्ष नहुने भएको छ । कोरोना भाइरसको जोखिमको कारण सयवर्ष २८ साउनमा परेको उक्त घैंटो फुटाउने जात्रा शिखरकोट बजार व्यवस्थापन समितिले व्यवस्थापन गर्दै आएको थियो । घैंटो फुटाउने प्रतियोगितासहित हुने जात्रामा थाहा नगरबाहेक टाढाटाढाका हजारौं दर्शकहरु आउने गरेका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
