विश्वव्यापी रुपमा फैलिरहेको कोरोना भाइरसको संक्रमणको जोखिम बढेको भन्दै विदेशबाट हालसालै नेपाल आउनुभएकाहरुलाई क्वारेन्टाइनमा राख्ने मकवानपुर प्रशासनले तयारी गरेको छ । मकवानपुरका प्रमुख जिल्ला अधिकारी दिपकराज नेपालले हालसालै विदेशबाट आएका र कोरोनाको सामान्य लक्षण देखिएमा उनिहरुलाई हेटौँडा ११ स्थित हेटौँडा एकेडेमीमा निर्माण गरिएको क्वारेन्टाइनमा राखिने जानकारी दिए
। जिल्ला प्रशासन कार्यालय मकवानपुरले विदेशबाट आउनुभएको मानिसको लगत संकलन गर्न मकवानपुरको १० वटै स्थानीय तहलाई अनुरोध गरेको सीडीओ नेपालले बताए। उहाँहरुको अवस्था हेरेर सामान्य भए होम क्वारेन्टाइनमा र केही लक्षण देखा परे सरकारले बनाएको क्वारेन्टाइनमा राखिने उनले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
