नेपाल सरकारबाट यसै शैक्षिकसत्र देखि सञ्चालन गर्ने गरि अनुमती प्राप्त गर्न सफल श्री वत्सलादेवी माद्यामिक विद्यालयमा प्राविधिक धार अनुरुप सिभिल इन्जिनियरिङ विषयमा कक्षा संचालन हुने भएको छ । यहि जेठ १५ गतेबाट कक्षा संचालन सुरु हुने गरि विद्यालयले सुचना प्रकाशन गरि सो जानकारी दिएको हो । इन्द्रसरोवर गाउँपालिकाकै नमुना विद्यालय बन्न सफल उक्त विद्यालय इन्द्रसरोवर गाउँपालिका वडा नं ३ सिस्नेरीमा अवस्थित रहेको छ ।
विद्यालयले यश शैक्षिकसत्रका लागि कक्षा ९ मा ४८ जना मात्रको सिमित सितमा पढाइ हुने गरि जेठ १ गतेदेखी भर्ना खुलाएको जानकारी दिएको छ । गाउँघरमै बसेर सिभिल इन्जिनियरिङ पढ्न पाउने अवसरलाई पूरा गर्न विद्यालयले गरेको प्रयास स्वरुप यश शैक्षिकसत्र देखि सो विषयको अध्यापन गर्ने अनुमती प्राप्त गरेको हो ।
विद्यालयको भुकम्प प्रतिरोधी आधुनिक भवन, पर्याप्त खेल मैदान, शान्त र अनुशासित वातावरण, अंग्रेजी र नेपाली दुबै माध्यमबाट कक्षा संचालन, कक्षा ४ देखि १२ सम्म कम्प्युटर कक्षा र प्राक्टिकल, साइन्स तथा कम्प्युटर ल्याब, लाइब्रेरी र कन्फ्रेन्स हल,अडियो भिजुवेल कक्षा कोठा, कक्षा ११ र १२ मा म्यानेजमेन्ट तथा एजुकेसन विषयको आध्यापन, प्रत्येक कक्षामा सि सि क्यामेराको व्यवस्था, स्वच्छ खानेपानी र आधुनिक शौचालय, फुटबल, भलिबल, गायन /नृत्य लगायतका क्रियाकलाप, दक्ष र अनुभवी शिक्षक तथा उच्च व्यवस्थापन लगायतका विशेषताहरु रहेका छन ।
गरिव तथा जेहेन्दार विद्यार्थीलाई छात्रवृत्तिको व्यवस्था सहित कक्षा ९ मा सिमित सिटका लागि मात्र भर्ना खुलेको कारण समयमै सिट सुरक्षित राख्न विद्यालयले आग्रह समेत गरेको छ ।
बलामी, थाहा टाइम्स डटकमका संवाददाता हुन् । उनी मकवानपुरको इन्द्रसरोवर गाउँपालिकामा रहेर पत्रकारिता गरिरहेकी छिन् ।
