लियो क्लब अफ पिस थाहाको अध्यक्षमा प्रशान्त प्रधान (सफल) चयन भएका छन । ९ जेठमा थाहानगरमा भएको चौथो वार्षिक साधारणसभाले सफललाई अध्यक्षमा चयन गरेको हो । ओखरबजार हितकारी सृजनशील समूहमा प्रधान बिगत ४ वर्षदेखि सचिब पदमा रहेर काम गरिरहेका छन् भने हाल अध्यनका निम्ति काठमाडौं बस्दै अाएका थए ।
लकडाउनका कारण भिडियो कन्फ्रेन्सबाट भएको चौंथो बार्षिक साधारण सभाबाट थाहा १ ओखरबजारका प्रशान्त प्रधान (सफल) निर्वाचित भएका हुन् । तत्कालीन अध्यक्ष अनन्त ढकालको सभाध्यक्षता तथा क्लबका संस्थापक अध्यक्ष अनित बिष्टको प्रमुख आतिथ्यमा साधारण सभा भएको थियो । लियो जिल्ला परिषद द ३२५ बि १ नेपालकै एक सक्रिय क्लवको रुपमा परिचित रहेको लियो क्लब अफ पिस थाहा नगर उत्तरी मकवानपुरको थाहा नगरमा क्रियाशील छ ।
सन् २०१७ मा स्थापना भएको लियो क्लब अफ पिस थाहाको सामाजिक कार्यले बेग्लै पहिचान बनाउँदै गएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
