थाहा नगरपालिकाको आर्थिक वर्ष २०७६/०७७ को वार्षिक स्वीकृत कार्यक्रम अनुसार बंगुरको पाठा तथा बाख्रा वितरण गरिएको छ । थाहा नगरपालिका सामाजिक विकास समितिको दलित लक्षित बजेटबाट सहयोग वितरण गरिएको हो।
थाहाको वडा नम्बर ५ र ७ मा ७ वटा बाख्रा र अरु १० वटा वडामा ६० वटा बंगुरको पाठा वितरण गरिएको सामाजिक विकास समितिकी सदस्य सोनिया सुनारले जानकारी दिइन् । उनीहरुलाई आर्थिक अवस्था सवल बनाउनको लागि ब.गुर र बाख्रा वितरण गरिएको सदस्य सुनारले जानकारी दिइन् ।
थाहा नगरपालिका वडा नम्बर ४ विश्वकर्मा टोलमा भएको वितरण कार्यक्रममा नेकपा ४ नम्बर वडा कमिटि अध्यक्ष जमिन दियाली, दलित महिला सदस्य सुशीला विश्वकर्मा, दलित लक्षित कार्यक्रम संचालन समितिका अध्यक्ष नारायण नारायण विश्वकर्मा लगायतको उपस्थिती रहेको थियो ।
थाहा नगरपालिका सामाजिक विकास समितिले वार्षिक रुपमा दलित लक्षित, जनजाति लक्षित, युवा लक्षित विविध प्रवद्र्धनात्मक कार्यक्रमहरु संचालन गर्दै आएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
