सरकारले कोरोना भाइरसबाट जोजिगनका लागि गरेको लकडाउन कार्यान्वयन गर्नका लागि मकवानपुर प्रशासन कठोर वन्दै गएको छ । अनावस्यक रुपमा लकडाउन उलंघन गरेमा सडकमा रहेका प्रहरीले कार्बाही गर्ने तयारी समेत गरिएको छ । अनावस्यक रुपमा सडकमा निस्कीए पक्राउ गरिने मकवानपुरका प्रमुख जिल्ला अधिकारी दिपकराज नेपालले वताए ।
हिजो टाढा टाढाबाट गन्तव्यमा जानका लागि निस्कीएकाहरुलाइ केही खुकुलो गरिएपनि आज भने यसलाई थप कडाइ गरिएको उनले वताए । अनावस्यक रुपमा घरबाट बाहिर निस्कने, सडकमा ओहोर दोहोर गर्ने, सवारीका साधन चलाउने गरेको पाइएमा पक्राउ गर्नका लागि प्रहरी परिचालन गरिएको उनले वताए।
घरबाहिर निस्कने र सवारीका साधन चलाएको पाइएमा कार्बाही गर्नका लागि जिल्लाभरका सवै प्रहरी युनिटहरुलाई निर्देशन गरिएको प्रजिअ नेपालले वताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
