मकवानपुरकाे मनहरी गाउँपालिकाले आगामी भदौ ९ गतेसम्म मनहरी गाउँपालिकाभित्रका सबै पसल तथा व्यवसाय बन्द गर्ने निर्णय गरेको छ । गाउँपालिकास्तरीय विपद् व्यवस्थापन समितिको ३१ साउननमा बसेको बैठकले स्वास्थ्य सेवा प्रबाह गर्ने बाहेक सबै पसलहरु बन्द गर्ने निर्णय गरेको हो ।
यसैगरि बैठकले ३२ साउनबाट कडिकडाउ रुपमा निषेधाज्ञा कार्यान्वयन गर्ने निर्णय गरेको छ । निषेधाज्ञाका बेला हिँडडुल गरेमा वा व्यापार गरेको पाइएमा सरुवा रोग नियन्त्रण ऐन बमोजिम कारबाही अघि बढाउने निर्णय समितिले गरेको छ ।
साथै मर्निङ वाक लगायत गतिविधिहरुमा पनि समितिले रोक लगाएको र अटेर गरेमा कारबाही सुरु गरिने विपद् व्यवस्थापन समितिका अध्यक्ष तथा गाउँपालिका अध्यक्ष एकराज उप्रेतीले जानकारी दिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
