गोरखामा रहेको प्रसिद्व धार्मिकस्थल मनकामना मन्दिर मंसिर २८ गते आइतबारबाट खुल्ने भएको छ । सोहि दिनबाट केवलकार सेवा पनि संचालनको तयारी थालिएको छ ।
मनकामना क्षेत्र विकास समितिको आज बसेको वैठकले मन्दिर सर्वसाधारणका लाागि खुल्ला गर्ने निर्णय गरेको हो । कोरोना महामारी जोखिम बढेपछि मनकामना मन्दिर र केवलकार गत चैत ८ गतेबाट सर्वसाधारणका लागि बन्द गरिएको थियो ।
स्वास्थ्य सुरक्षा मापदण्ड अपनाएर मन्दिर प्रवेश खुल्ला गर्ने निर्णय भएको मनकामना क्षेत्र विकास समितिका कार्यकारी निर्देशक लेवेन्द्र गुरुङले बताए । मन्दिर खुलेपनि तत्कालका लागि पञ्चवली, लाखवक्ति वाल्ने जस्ता पुजाआजा भने तत्कालका लागि नखोल्ने उनले बताए ।
मन्दिर खोल्ने निर्णय भएसँगै मनकामना केवलकार पनि संचालनको तयारी थालिएको मनकामना दर्शन प्रालिका नायव महाप्रवन्धक उज्जल सेरचन बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
