मकवानपुरको हेटौंडामा शनिबार दिउँसो बस दुर्घटना हुँदा एक जनाको मृत्यु भएको छ ।
दिउँसो हेटौंडाबाट नारायणगढतर्फ जाँदै गरेको ना ५ ख ४६०९ नम्बरको यात्रुबहाक बस आफै अनियन्त्रित भई हेटौंडा–१९ बस्तिपुरमा दुर्घटना हुँदा एक जनाको मृतयु भएको हो ।
मृत्यु हुनेमा लम्जुङ सुन्दरबजार नगरपालिका वडा नम्बर ८ बस्ने ३२ वर्षीय हरी गौली रहेका छन् । दुर्घटनामा परी गम्भीर घाइते भएका उनको हेटौंडा अस्पतालमा उपचारको क्रममा मृत्यु भएको जिल्ला प्रहरी कार्यालय मकवानपुरले जनाएको छ ।
त्यस्तै, सोही दुर्घटनामा परी अन्य ८ जना घाइते भएका छन् । उनीहरुको चुरेहिल अस्पतालमा उपचार भइरहेको छ। घाइतेहरुको पुरा विवरण आउँन बाँकी रहेको प्रहरीले जनाएको छ ।
प्रहरीले बस चालक चितवनको राप्ती नगरपालिका वडा नम्बर २ बस्ने ४१ वर्षीय रामबहादुर तामाङलाई नियन्त्रणमा लिई घटनाको विषयमा आवश्यक अनुसन्धान गरिरहेको जनाएको छ ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1786724016.jpg)
![fdk;fb-;fksf]6f-(2)-1786500872.png](https://www.thahatimes.com/public/images/news/2026-08-12/400/fdk;fb-;fksf]6f-(2)-1786500872.png)
-1786417899.png)
-1785843212.png)
