मकवानपुरमा थाहानगरका पाँचसहित ५९ जना कोरोना भाइरसका संक्रमीत थपिएका छन् ।
हेटौंडा उपमहानगरपालिकाका जनस्वास्थ्य निरीक्षक भोलाप्रसाद चौलागाईंका अनुसार ३६ जना पुरुष र २३ जना महिलामा कोरोना संक्रमण पुष्टि भएको हो । संक्रमण हुनेहरुमा हेटौंडा उपमहानगरपालिकाका विभिन्न वडाका ४८ जना, थाहा नगरपालिकाका ५ जना, मनहरी गाउपालिकाका ५ जना र बकैया गाउँपालिकाका १ जना रहेका छन् ।
यसैगरी हेटौंडा उपमहानगरपालिकाको वडा नम्बर २ का सबैभन्दा धेरै ९ जनामा कोरोना पुष्टि भएको छ भने वडा नम्बर ५ र ९ मा ८-८ जनामा संक्रमण पुष्टि भएको छ । निरीक्षक चौलागाईंका अनुसार कार्तिक १३ गते संकलन गरिएको स्वाब मध्ये ११० जनको परिक्षण गर्दा ५९ जनामा संक्रमण पुष्टि भएको हो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
