लकडाउनमा ससुराली आएर करिब २ महिना ससुराली बसेका ज्वाईले सासुको हत्या गरेका छन् ।मकवानपुर गढी १ मा रानिसेरामा आफ्नै ज्वाइ ३९ वषर्कका पदमबहादुर नेपालीले सासु ७२ वर्षकी कान्छीमाया भोम्जनलाई हत्या गरेको जिल्ला प्रहरी कार्यालय मकवानपुरका डिएसपी इन्द्रबहादुर रानाले बताए ।
घटना भएको जानकारी पछि घटनास्थल पुगेका रानाको अनुसार ज्वाँईले आफ्नी श्रीमतिसँग भएको झगडाको रिस सासुमाथि पोखेको प्राराम्भिक अनुसन्धानबाट पत्ता लागेको बताए ।
गएराती अत्यधिक मदिरा पिएका नेपालीले श्रीमति सहित आफ्ना तीन छोरीलाई समेत पिटपाट गर्न थालेपछि उनीहरु आफ्नो दाईको घरमा बसेको मकवानपुर गढी गाउँपालिका वडा नंबर १ का वडा अध्यक्ष आइतसिंह लोले बताए ।
लकडाउनको समयमा छोरी, ज्वाई र तीन नातिनि सहित माइतै बसेका थिए । नेपालीले यस अघि पनि पटकपटक श्रीमतीलाई मार्ने धम्की निदे गरेको समेत जानकारी आएको वडाअध्यक्ष लोको भनाई रहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
