मकवानपुरमा २४ भाद्रमा एकै दिन ४६ जनामा कोरोना संक्रमण पुष्टि भएको छ । साँझ थप ३२ जनामा कोरोना संक्रमण पुष्टि भएसंगै एकै दिन ४६ जनामा संक्रमण पुष्टिको हो ।
हेटौंडा–१० स्थित किटजन्य रोग तथा अनुसंधान तालिम केन्द्र, प्रादेशिक जनस्वास्थ्य प्रयोगशालाबाट बुधबार साँझ प्राप्त रिपोर्ट अनुसार १४ महिला र १८ पुरुष गरि थप ३२ जनामा संक्रमण पुष्टि भएको हो । भदौं २२ गते स्वाब संकलन गरिएका १४६ जनाको २४ भाद्साँ साझ दोस्रो पटक सार्वजनिक गरिएको रिपोर्टमा थप ३२ जनामा संक्रमण पुष्टि भएको हेटौंडा उपमहानगरपालिकाका जनस्वास्थ्य निरीक्षक भोला चौलागाईले जानकारी दिए । साँझ थपिएका सबै हेटौंडा उपमहानगरपालिका क्षेत्रका रहेका हुन् ।
यस अघि आजै दिउँसो १४ जनामा संक्रमण पुष्टि भएको थियो । दिउसो सार्वजनीक गरिएको रिपोर्टमा हेटौंडा उपमहानगरपलिकाका ७ जना, मनहरी गाउँपालिकाका ४ जना, थाहा नगरपालिकाका २ जना र राक्सिराङ गाउँपालिकाका एकजना गरी १४ जनामा संक्रमण पुष्टि भएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
