मकवानपुरको मनहरीमा ईनारमा पसेर हराएका दुबै जना मृत फेला परेका छन् ।
मनहरी-७ मा रहेको साह पार्टी प्यालेसको ईनारभित्र राखेको पानी तान्ने मोटरपम्प विग्रिएपछि बनाउन पसेका दुई जना मृत फेला परेका हुन् । पार्टी प्यालेस संचालकका छोरा ३० बर्षीय सुरज साह मोटरपम्प बनाउन इनारमा पसेकोमा बाहिर नआएपछि स्थानीय १६ बर्षीय उत्सव नेपाली पनि इनारमा पसेका थिए । उनीहरूको शव चितवन टाँडिबाट आएको नेपाली सेनाले ईनारबाट निकालेको जिल्ला प्रहरी कार्यालय मकवानपुरले जनाएको छ । शवलाई पोष्टमार्टमका लागि हेटौंडा पठाइएको छ ।
दुबै बाहिर नआएपछि उद्धारका लागि डोरीको सहायताले पसेका आनन्द लो बिचमै अचेत भएका थिए । उनको उद्धार गरि उपचार मनहरी प्राथमिक स्वास्थ केन्द्रमा पठाइएको थियो । उनको होस खुलेको ईलाका प्रहरी कार्यालय मनहरीका प्रहरी निरीक्षक श्रीशंकर श्रेष्ठले जानकारी दिए ।
सकेसम्म रोजगारीका लागि विदेश नजाऔं । जानै परे सीप सिकेर र सही सूचना लिएर मात्र जाऔं । श्रम, रोजगार, सीप तथा उद्यमशीलतासम्बन्धी सूचना, समाचार र विज्ञापनका लागि www.thahatimes.com लग अन गर्नुहोस् । ९७०५०७८९१०
-1787657569.png)
-1787655185.png)
-1787300617.png)