मकवानपुरको बकैयाँ गाउँपालिका वडा नम्बर–५ हात्तिसुडेमा मोटरसाइकल दुर्घटनामा परेर एक जनाको मृत्यु भएको छ । हेटौंडा–धरानचतरा सडकखण्ड अन्तरगत हात्तिसुडेमा मोटरसाइकल दुर्घटनामा परि एक जनाको मृत्यु भएको हो ।
बकैयाँको हात्तिसुडेबाट श्रीपुर तर्फ जादै गरेको प्रदेश २ ०३०१८ प २५५७ नम्बरको मोटरसाइकल आफै दुर्घटना हुँदा बकैयाँ ५ श्रीपुर बस्ने २८ वर्षिय श्याम लामाको मृत्यु भएको हो ।
गएराती १० बजे मोटरसाइकल अनियन्त्रित भई सडकको नालिमा खसी दुर्घटना भएको जिल्ला प्रहरी कार्यालय मकवानपुरले जनाएको छ । लामा दुर्घटनामा घाईते भई उपचारको लागी चुरेहिल अस्पताल हेटौडामा ल्याएकोमा डाक्टरले मृत घोषणा गरेका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
