मकवानपुरको हेटौंडा उपमहानगरपािलका वडा नम्बर १३ का एक वृद्ध कोरोना संक्रमण मुक्त भएका छन् ।
हेटौंडास्थित आइसोलेशन वार्डमा उपचार गराइरहेका हेटौंडा–१३ रामन्थलीका ६० वर्षीय वृद्ध एक हप्तामै संक्रमण मुक्त भएको स्वास्थ्य अधिकृत भोला प्रसाद चौलागाईले जानकारी दिए ।
साउदी अरबबाट आएर होम क्वारेन्टाइनमा बस्दै आएका ती वृद्धलाई गत साउन १३ गते किटजन्य रोग तथा अनुसन्धान तालिम केन्द्र हेटौंडामा गरिएको परीक्षणमा कोरोना संक्रमण पुष्टि भएको थियो ।
संक्रमण मुक्त भएका उनलाई आज नै आइसोलेशन वार्डबाट डिस्चार्ज गरिने स्वास्थ्य अधिकृत चौलागाईले बताए ।आजसम्म उक्त आईसोलेसन वार्डमा सेवा लिनेको संख्या ३७ जना पुगेको छ । जसमध्ये २७ जना डिस्चार्ज भइसकेको छन् भने हाल १० जना उपचाररत छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
