मकवानपुरका पत्रकार रिपेश दाहाल बागमती प्रदेशबाट रासस वर्ष सर्वोत्कृष्ट भएका छन् ।
पत्रकार दाहालले राष्ट्रिय समाचार समिति (रासस) को प्रदेशस्तरको पुरस्कार प्राप्त गरेका हुन् । राससले प्रदेशभरबाट उत्कृष्ट घोषणा गर्दै पुरस्कार उनलाई दिन लागेको हो । राससको ५९ औँ वार्षिकोत्सवका अबसरमा ७ फागुनमा पुरस्कार प्रदान गरिने राससले जनाएको छ । हेटौंडामा करिब दुई दशकदेखि पत्रकारितामा क्रियाशील दाहाल विशेष गरी रेडियो पत्रकारितामा क्रियाशील हुँदै आएका भएपनि समाचार लेखन तथा सम्पादनमा दख्खल राख्छन् ।
यस्तै रासस प्रदेश नं १ मा भोजपुर समाचारदाता युवराज विष्ट, २ नंमा महोत्तरीका सञ्जीतकुमार मण्डल, गण्डकी प्रदेशमा जमुनावर्षा शर्मा, ५ नंमा परासीका मोहन पौडेल, कर्णाली प्रदेशमा जाजरकोटका हेमन्त केसी र सुदूरपश्चिममा डोटीका विमलबहादुर विष्ट पुरस्कृत भएका छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
