आगामी आर्थिक वर्ष २०७८/७९ मा भैंसेदेखि दक्षिणकालीसम्मको सडक स्तरीकरण हुने भएको छ । आर्थिक वर्ष २०७८–०७९ को बजेट प्रस्तुत गर्दै बागमती प्रदेशका आर्थिक मामिला तथा योजना मन्त्री कैलाशप्रसाद ढुंगेलले सो घोषणा गरेका हुन् ।
बजेट वक्तव्यको क्रममा उनले भैंसे–दक्षिणकाली ५३ किलोमिटरअन्तर्गत भैंसे–भीमफेदी ११.५ किलोमिटर र कुलेखानी–दक्षिणकाली २१ किलोमिटर सडकको लागि आवश्यक बजेट विनियोजन गरेको जनाए ।
त्यसैगरी बहुप्रतिक्षित भीमफेदी–कुलेखानी सुरुङमार्ग निर्माण आउने आर्थिक वर्षबाट हुने भएको छ । सुरुङमार्ग निर्माणको पहिलो चरणमा प्रदेश सरकारले ७५ करोड रुपैँया बिनियोजन गरेको छ । सुरुङमार्ग निर्माणको लागि प्रदेश सरकारले संघिय सरकारसँग समन्वय गर्ने समेत जनाइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
