बागमती प्रदेश सरकारलाई जर्मनीको एक गैरसरकारी संस्था "ब्याक टु लाइफ"ले स्वास्थ्य सामग्री प्रदान गरेको छ । संस्थाले कोभिड–१९ को उपचार तथा व्यवस्थापनमा सहयोग हुने करीब १ करोड ७० लाख बराबरका विभिन्न स्वास्थ्य सामाग्री हस्तान्तरण गरेको हो ।
स्वास्थ्य सामाग्री मुख्यमन्त्री डोरमणि पौडेल र सामाजिक विकास मन्त्री सरस्वती बस्नेतको विशेष उपस्थितिमा सामाजिक विकास मन्त्रालयमा हस्तान्तरण गरिएको छ ।
संस्थाले मोबाइल उक्सरे २ थान, अक्सिजन कन्सन्ट्रेटर १८ थान, फेससिल्ड २ हजार ७ सय थान, पिपिइ ग्लोब्स ३० थान, सर्जिकल मास्क १ लाख थानलगायतको कोभिड–१९ रोकथाम तथा नियन्त्रणका लागि अति आवश्यक स्वासथ्य सामाग्री हस्तान्तरण गरिएको हो ।
कोभिड महामारीको बेला सामग्री सहयोग गर्ने संस्था र जर्मन सरकारप्रति खुशी व्यक्त गर्दै मुख्यमन्त्री पौडेल र मन्त्री बस्नेतले धन्यवाद दिए ।
यस संस्थाले सन् २००९ देखि नेपालमा स्वास्थ्य, शिक्षा र सामुदायिक क्षेत्रमा काम गर्दै आएको जनाइएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
