पर्खाल निर्माणको लागि माटो खन्ने क्रममा चन्द्रनिगाहपुरमा बेवारिसे बम फेला परेको छ । जमिन मुनी रहेको अबस्थामा फेला पारेको बम लाई प्रहरीको नियन्त्रणमा रहेको छ ।
रौतहटको चन्द्रपुर नगरपालिका–५ स्थित राधाकृष्ण मन्दिर परिसरमा कम्पाउण्ड पर्खाल निर्माणको लागि माटो खन्ने क्रममा बेवारिसे बम फेला परेको हो । मजदुरले फेला पारेको बम तीन बर्ष पहिलेको हुन सक्ने अनुमान गरिएको छ ।
नेकपा बिप्लब समुहले २०७४ मसिर १ गते तत्कालीन एमालेको चुनावी सभालाई लक्षित गरी उक्त स्थानमा बम राखेको थियो । सो स्थानमा बम बिस्फोट हुँदा ८ जना घाइते भएका थिए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
