थाहा नगरपालिका वडा नम्बर २ का सूर्यप्रसाद ढकाल बाढीले बगाएर बेपत्ता भएका छन् । धादिङ जिल्लाको निगाले खोलाले बगाउँदा ३९ वर्षीय ढकाल बेपत्ता भएको जिल्ला प्रहरी कार्यालय धादिङका प्रहरी नायव उपरीक्षक श्यामबहादुर खत्रीले जानकारी दिए ।
धादिङ ससुराली भएका ढकाल बडादशैंको टीका थाप्न मोटरसाइकलमा श्रीमतीसहित ससुराली गएका थिए । ससुरालीबाट घर फर्किने क्रममा उनलाई निगाले खोलामा आएको बाढीले बगाएको हो ।
आफन्तका अनुसार श्रीमतीलाई खोला तारेपछि मोटरसाइकल तार्ने क्रममा उनलाई बाढीले बगाएको हो ।
प्रहरीले बेपत्ता ढकालको खोजी जारी राखेको छ । तर वर्षा जारी रहेको र बाढीको बहाव बढि भएकोले कठिनाइ भइरहेको धादिङ प्रहरीले जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
