मकवानपुरमा अपांगता भएकी बालिका बलात्कार गरेको ठहर गर्दै जिल्ला अदालतले एक वृद्धलाई ११ वर्ष कैद फैसला सुनाएको छ ।
जिल्ला न्यायाधीश कृष्णराम कोइरालाको १२ असोजको इजलासले भैंसे २ का ६३ वर्षीय अर्जुन भन्ने भक्तबहादुर रानामगरलाई १४ वर्षीयालाई बलात्कार गरेको ठहर गर्दै उक्त फैसला सुनाएको हो । बालिका बलात्कारमा ६ वर्ष र अपांगलाई गरेकोमा ५ वर्ष गरी ११ वर्ष कैद तोकेको स्रेस्तेदार अनन्तराज मरासिनीले जानकारी दिए ।
