नजिकिँदै गरेको चाडबाडलाई लक्षित गरेर थाहा नगरपालिकाले नगर क्षेत्रको बजार अनुगमनलाई तिब्रता दिएको छ ।
थाहा नगरपालिका प्रशासन महाशाखा प्रमुख अजित घिमिरेको नेतृत्वमा ५ कार्तिकमा थाहा नगरपालिकाको शिखरकोट तथा आग्राको डाँडाबासमा रहेका बजारहरुको अनुगमन गरेको हो । अनुगमनका क्रममा मिति सकिएका उपभोग्य वस्तुहरु भेटिएका थिए भने व्यवसायीहरुले आफ्नो पसलमा मूल्यसूचीहरु नराखेको पनि पाइएको थियो । पसलहरु अनुगमनका क्रममा व्यवसायीहरुलाई सचेत परिएको टोलीले जनाएको छ ।
अनुगमन टोलीमा थाहा नगरपालिकाका सामाजिक विकास शाखा प्रमुख अनिल लामिछाने, थाहानगर उद्योग वाणिज्य संघ, उपभोक्ता हित संरक्षण समितिका पदाअधिकारी, खाद्य तथा गुण नियन्त्रण कार्यालय हेटौंडाका प्रतिनीधि तथा पत्रकारहरुको समेत सहभागिता रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
