लियो जिल्ला परिषद ३२५ बि २ नेपालअन्तर्गत रिजन ६ ले इलाका प्रहरी कार्यालय पालुङलाई स्वास्थ्य सुरक्षाका लागि आवश्यक केही थान मास्क र सेनिटाइजर उपलब्ध गराएको छ । रिजन ६ का अध्यक्ष रुपक कालिराजले इलाका प्रहरी कार्यालय पुगेर प्रहरी निरीक्षक विकासकुमार तामाङलाई सामग्री हस्तान्तरण गरेका हुन् ।
हस्तान्तरण गरिएका सामग्रीहरुमा कार्यालय प्रयोजनका लागि १ ठूलो बोत्तलसहित ८ बोत्तल सेनिटाइजर, १२५ थान सर्जिकल मास्क र १० थान एन ९५ मास्क रहेका छन् । कोरोना भाइरस रोकथाम र नियन्त्रणमा अग्रपंक्तिमा खटिएका प्रहरी सुरक्षाकर्मीलाई स्वास्थ्य सुरक्षाका सामग्री वितरण गरिएको अध्यक्ष कालीराजले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
