हेटौँडा उपमहानगरपालिकाभित्र पछिल्लो २४ घण्टामा मृत्यु भएका दुईजनामा कोरोना संक्रमण पुष्टि भएको छ । मृत्यु हुनेमा हेटौडा १ का एकजना ६१ वर्षका पुरुष तथा हेटौँडा उपमहानगरपालिका वडा नंबर १९ की एक जना महिला रहेकी छिन् ।
मृत्युपश्चात सार्बजनिक भएको स्वाब परिक्षण नतिजामा दुबैमा कोरोना पुष्टि भएको पाइएको छ ।हेटौँडा १ का ६१ बर्षीय पुरुष वृद्धको मंगलबार राति निधन भएको थियो । उनी मृगौला, उच्च रक्तचाप लगायत दीर्घरोगीका रुपमा उपचाररत थिए ।
अर्की मृत्यु भएकी बृद्धा तीनमहिनादेखि कलेजोको क्यान्सरबाट पीडित भई चितवनस्थित मेडिकल कलेजमा उपचारका लागि लगिएके थियो । उनी हेटौँडा उपमहानगरपालिका वडा नं १९ सान्ननटारकी ६२ बर्षीया बृद्धा हुन् ।
मृत्यु हुनुअघि निकालिएको स्वाब परिक्षण नतीजा पोजेटिभ आएको जानकारी मेडिकल कलेजले जानकारी दिएको हेटौँडा उपमहानगरपालिका १९ नं वडाध्यक्ष नवराज सुवेदीले बताए ।
मंगलबार बिहान ७ बजेतिर मृत्यु भएकी बृद्धाको दिउँसो परम्परा अनुसार सद्गद् गरिएको थियो । शवको सद्गद् गरिसकेपछि बुधबार बिहान मात्रै मेडिकल कलेजले स्वाब परिक्षणमा कोरोना भेटिएको जानकारी गराएपछि समाजमा त्रास फैलिएको वडाध्यक्ष सुवेदीले बताए ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
