नेपालमा कोरोना भाइरस संक्रमणबाट मृत्यु हुनेको संख्या ४५ जना पुगेको छ । कोरोना संक्रमणबाट शुक्रवार बारा परवानिपुर निवासी १७ वर्षीया युवतीको मृत्यु भएसँगै मृतकको संख्या ४५ जना पुगेको हो ।
वीरगन्जस्थित गण्डक अस्पतालमा उपचाररत उनको शुक्रवार बेलुका ७ बजे मृत्यु भएको नारायणी अस्पतालका मेडिकल सुपरिटेन्डेन्ट डा। मदनकुमार उपाध्यायले जानकारी दिए ।
उनमा भाइरल इन्सेफ्लाइटिक्सको समस्या देखिएपछि अस्पताल भर्ना गरिएको थियो। पछि संक्रमण पुष्टि भएपछि शुक्रबार बिहान उनलाई गण्डक अस्पताल रिफर गरिएको थियो।
युवतीको शव सेनाले व्यवस्थापन गर्ने तयारी गरेको छ।शुक्रवार नै गण्डक अस्पतालमै उपचाररत ८५ वर्षीया वृद्धाको कोरोनाबाट मृत्यु भएको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
