नेपालमा कोरोना भाइरसविरुद्धका भ्याक्सिनको तेस्रो चरणको परीक्षणका लागि प्रक्रिया अगाडि बढेको छ । नेपाल स्वास्थ्य अनुसन्धान परिषद्ले प्रक्रिया सुरु गरेको जनाएको छ ।
रुस, चीन र बेलायतका तेस्रो चरणको क्लिनिकल परीक्षण चरणमा प्रवेश गरेका भ्याक्सिनको नेपालमा पनि परीक्षणका गर्नका लागि स्वास्थ्य मन्त्रालयबाट अनुमति लिएर अनुसन्धान सुरु गरिसकिएको परिषद्का सदस्यसचिव डा. प्रदीप ज्ञवालीले जानकारी दिए ।
तेस्रो चरणको परीक्षण नेपालमा गर्न भ्याक्सिन उत्पादन गर्ने कम्पनीहरु पनि इच्छुक छन् । कम्तिमा १ हजार जनामा परीक्षणका लागि कम्पनीहरुको इच्छा रहेको जानकारी दिदै ज्ञवालीले आवश्यक मापदण्ड बनाउन थालिएको जानकारी दिए ।
परिषद्ले बेलायतको अक्सफोर्ड ग्रुपसँग कुराकानी गरिसकेको र एकहप्ताभित्रै त्यसका बारेमा ठोस जानकारी आउने ज्ञवालीको भनाइ छ । अहिलेसम्म जम्मा ७ वटा भ्याक्सिन तेस्रो चरणको परीक्षणमा छन् । त्यसमध्ये छिमेकी देश चीनका तीनवटा छन् ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
