नापी कार्यालय मकवानपुरको भवनमा १० कात्तिक दिउँसो भएको आगलागीमा घाइते हुनेको संख्या ४० जना पुगेको छ । आगो लागेपछि दुई तीन तला माथिबाट समेत कर्मचारी र सेवा ग्राही हाम फालेका थिए । घाइते मध्ये २० जनालाई हेटौडा अस्पतालमा, १४ जनालाई अर्थोपेडिक अस्पतालमा, ५ जनाको चुरेहिल अस्पतालमा र गम्भीर घाइते एक जनाको भरतपुर अस्पतालमा उपचार भइरहेको मकवानपुरका प्रहरी नायब उपरीक्षक बामदेब गौतमले जानकारी दिए ।
भुँईतलाको पसलमा रहेका दुईवटा ग्यास सिलिण्डर पड्किएका कारण सिलिण्डरबाटै आगो लागेको आशंका गरेपनि एकिन नभएको मकवानपुरका प्रहरी उपरीक्षक मिरा चौधरीले बताइन् ।
आगलागीका कारण नापी कार्यालय बसेको दोस्रो तला, भुँईतलाको हार्डवयर पसल, होटल र ट्रयाक्टर शोरुममा क्षति भएको प्रहरीले जनाएको छ । आगलागी सम्पूर्ण विवरण भने आउन बाँकी छ । फोटोः शिवकुमार काशी/हेटौंडा
यो पनि पढ्नुहोस्
नापी कार्यालयमा आगलागी हुँदा १९ जना घाइते
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
