दिव्य सेवा निकेतन ज्येष्ठ नागरिक आश्रयस्थल हेटौंडा २७ रातोमाटे दमारटोलले श्रीजनप्रिय नमूना माबि दिव्य सेवा बाल क्लबका लागि एक समारोहका बिच बुक कर्नर सन्चालानार्थ ५ वटा दराज हस्तान्तरण गरेको छ ।
निकेतनका केन्द्रीय अध्यक्ष टि आर निरौलाले एक समारोहका बिच कक्षा ७ ,८ र ९ का मनिटरहरुलाई दराजको साचो हस्तान्तरण गरेका थिए ।
कार्यक्रमका प्रमुख अतिथि निरौलाले वृत्तिबिकासको लागि बुक कर्नरको स्थापना हुनु ज्यादै सकारात्मक भएको बताए । कार्यक्रममा निकेतनकी प्रमुख संरक्षिका सुनिता बाई , शिक्षा सेवा समितिका अध्यक्ष पुर्व विद्यालय निरीक्षक यादव गजुरेल, पुर्व प्राचार्य अरुण खतिवडा विद्यालय ब्यबस्थापन समितिका अध्यक्ष लोकनाथ चौलागाईं , शिक्षक युक्तलाल बिश्वकर्मा क्लबका सबिन ढकाल लगायतकाले आ–आफ्नो धारणा राखेका थिए ।
कार्यक्रम क्लबका सचिब र सह सचीब रमिता ढकाल र अरुण बिश्वकर्माले संचालन गरेका थिए भने कार्यक्रमको अध्यक्षता क्लबकी अध्यक्ष प्रतिक्षा गर्तौलाले गरेकी थिए । कार्यक्रममा विद्यार्थीहरुको उल्लेख सहभागिता रहेको थियो
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
