दसैँको पूर्व सन्ध्यामा जिल्ला प्रशासन कार्यालय मकवानपुरले शक्तिपीठहरुमा भिड नगर्न भनेकाे छ । । प्रशासनले मन्दिरहरुमा भेला हुन बन्देज लगाएको हो । घटस्थापनादेखि नवमीसम्म शक्तिपीठ, मन्दिरहरुमा नित्य पूजाबाहेक दर्शनको लागि जमघट हुन नदिन जिल्ला प्रशासन कार्यालय मकवानपुरले सूचना जारी गरेको छ ।
कोरोना संक्रमणको फैलदो जोखिमलाई मध्यनजर गर्दै सबै शक्ति पीठ तथा मन्दिरहरुमा नित्य पूजाबाहेक जमघट नहुने, परिवारजनबीचमात्र दसैँ मान्ने र जात्रा, मेलाहरु नगर्न निषेधाज्ञा जारी गरेको हो ।
जिल्ला प्रशासन कार्यालय मकवानपुरले कुनै पनि भेला जमघट नगरी घरमै बसेर चाडपर्व मनाउन अनुरोध गर्दै पर्वको शुभकामना आदान प्रदान लगायतका सबै क्रियाकलाप संचालनमा बन्देज लगाएको छ ।
विश्वव्यापी महामारीको रुपमा फैलिएको कोभिड १९ को संक्रमण चाडबाडको बेला झनै फैलिने खतरा रहेकोले सो को नियन्त्रण गर्न निषेधाज्ञा जारी गरिएको प्रशासनले जनाएको छ । सूचनाको उलंघन भएमा कानून बमोजिम कारबाही हुने जनाएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
