मकवानपुर थाहा नगरपालिका वडा नंम्बर ३ निवासी फोटो पत्रकार गणेश बिष्ट कोरोना मुक्त भएका छन् ।
थाहा टाइम्स तथा विकास खबरपत्रिकामा आवद्ध विष्टले संक्रमणको १६ औं दिनमा कोरोना जितेका हुन् । छिमेकीको कन्ट्याक ट्रेसिङमा परेका फोटो पत्रकार विष्टको १३ कात्तिकमा स्वाब संकलन गरी पिसिआर परीक्षण गर्दा पोजेटिभ आएको थियो । होमआइसोलेशनमा बसेका विष्टकाे संक्रमणको दशौं दिनमा पुनः प्रादेशिक प्रयोगशाला हेटाैंडामा स्वाब परीक्षण गर्दा पनि पोजेटिभ आएपछि काठमाण्डौंमा स्वाब परीक्षण गरिएको थियो ।
फोटो पत्रकार विष्टको काठमाण्डौंमा १६ औं दिनमा गरिएको स्वाब परीक्षणमा नेगेटिभ आएको थियो । पत्रकार विष्ट अहिले दैनिक कामकाजमा फर्कीसकेका छन् ।
