थाहा आन्दोलनका प्रणेता रुपचन्द्र विष्टको ८५ औ जन्मजयन्तीको अवसरमा मकवानपुर थाहाको जनकल्याण उच्च माध्यमिक विद्यालयमा नगरस्तरीय अन्तर मावि हाजिरी जवाफ प्रतियोगिता तथा उच्च माविस्तरीय वक्तृतवकला प्रतियोगिता सम्पन्न भएको छ ।
थाहा नगरपालिकासंगको समन्वय तथा फरकसोच अभियानको आयोजनामा प्रतियोगिता भएको हो । विष्टको जन्मजयन्ती यहि पौष २६ गते पर्दछ । यस दिनलाई थाहा दिवसको रुपमा मनाईदै आएको छ ।
‘मैले सुनेको रुपचन्द्र’ विषयमा वक्तृत्वकला प्रतियोगिताको निर्णायकमा रामहरी अधिकारी र कुमार नेगी रहेका थिए भने हाजिरी जवाफ प्रतियोगितामा पाँच माविको सहभागिता रहेको थियो । फरकसोच अभियानका रामकुमार कार्कीको अध्यक्षतामा भएको कार्यक्रममा फरक सोचका मनोज रायमाझी, राजु पोखरेल, सुरजकुमार भुजेल, विभिन्न विद्यालयका शिक्षकहरु तथा जनकल्याण माविका शिक्षक शिक्षिकाहरुको विशिेष उपस्थिती रहेको थियो ।
विष्टको जन्म जयन्तीको अवसरमा २६ पौष विहान महिला पुरुष खुल्ला दौड प्रतियोगितालगायतको कार्यक्रमहरु संचालन हुने फरकसोच अभियानका संयोजक यादवजंग रायमाझीले जानकारी दिए । फरकसोच अभियानले वर्षेनी रुपचन्द्र विष्टको जन्मोत्सवको अवसरमा विधि कार्यक्रमहरु संचालन गर्दै आएको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
