nakuhine-bastu-sankalan-1706086939.jpg
Wednesday, 24th April, 2024
वि.स.
1000043965-1707579226.jpg

थाहामा सुरक्षित आप्रवासन कार्यक्रमको दिगोपनाबारे अन्तरक्रिया

photo-1707494522.jpg

थाहा नगरपालिकामा सुरक्षित आप्रवासन कार्यक्रमको दिगोपनाको विषयमा जनप्रतिनिधि तथा सरोकारवालाहरुसँग अन्तरक्रिया भएको छ । थाहा नगरपालिकाको आयोजनामा २६ माघमा कार्यक्रम भएको हो । 

थाहाका नगर प्रमुख विष्णुबहादुर विष्टको अध्यक्षतामा भएको कार्यक्रममा नगर उपप्रमुख भरत गोपाली, वडा अध्यक्ष तथा कार्यपालिकाका सदस्यहरु, सम्बन्धित शाखा प्रमुखहरु, पत्रकार, प्रहरी, कार्यक्रमका लाभग्राहीहरु सहित हेल्भेटास नेपाल सामी कार्यक्रम सहयोग इकाइ बागमती प्रदेश प्रमुख, कार्यक्रम प्रवन्धक तथा कर्मचारीहरुको उपस्थिति रहेको थियो । 

कार्यक्रममा सुरक्षित आप्रवासन कार्यक्रम सामीका लाभग्राहीहरु कमला घले, शिवकुमारी अधिकारी, उर्मिला अधिकारी, चन्द्रकुमारी बस्नेत, सरिता स्याङ्तान, शिलाकुमारी गुरुङ लगायतले कार्यक्रम निकै प्रभावकारी रहेको र उक्त कार्यक्रमबाट आफूहरुमा निकै ठूलो परिवर्तन भएको अनुभव सुनाएका थिए । 

सो अवसरमा थाहा नगरपालिकाका प्रमुख प्रशासकीय अधिकृत कृष्ण गिरी, हेल्भेटास नेपालका बागमती प्रदेश प्रमुख पुरुषोत्तम अधिकारी, कार्यक्रम प्रवन्धक उमा पौडेल, रोजगार संयोजक कुमार नेगी र सामी मकवानपुरका सामाजिक परिचालन अधिकृत प्रतिक्षा खड्काले प्रस्तुतीकरण गरेका थिए ।

कार्यक्रममा बोल्दै थाहा नगरपालिकाका प्रमुख विष्टले सुरक्षित आप्रवासनको सवालमा सामी कार्यक्रम निकै प्रभावकारी रहेको उल्लेख गरे । उनले नेपाल सरकारको सम्झौताअनुसार सामी कार्यक्रमले निरन्तरता नपाए पनि थाहा नगरपालिकामा सुरक्षित आप्रवासन कार्यक्रमअन्तर्गत वित्तीय साक्षरता, मनोपरामर्श, सूचनामा पहुँच, न्यायमा पहुँच र सीप विकास तालिम कार्यक्रमलाई निरन्तर सञ्चालन गर्ने प्रतिवद्धता व्यक्त गरे । उनले भने, ‘वित्तीय साक्षरताको कार्यक्रम यहाँका सहकारी, बैंक, लघु वित्त वित्तीय संस्थाहरुसँग सहकार्य गरेर पनि सञ्चालन गर्न सकिन्छ । त्यसैगरी मनोसामाजिक परामर्शको कार्यक्रम निरन्तर हुन जरुरी छ ।’

यसैबीच २६ माघमै सम्पन्न सामी कार्यक्रम कार्यान्वयनका लागि स्थानीय सरकार कार्यक्रम व्यवस्थापन समितिको बैठकले सामी अन्तर्गत आर्थिक वर्ष २०८०÷८१ को हालसम्मको गतिविधिहरुको समीक्षा गर्दै सुरक्षित आप्रवासन कार्यक्रम कार्यान्वयन कार्यविधि पारित गर्ने, नगरपालिकामा श्रम तथा रोजगार शाखा स्थापित गर्ने र श्रम तथा रोजगारको विषयलाई आवधिक योजनामा समावेश गर्ने निर्णय गरेको छ । 



https://www.thahatimes.com/public/images/users/Thaaaaaaaaaaa-1575425238.png

थाहा टाइम्स

thahatimes@gmail.com

यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)