थाहामा गत १६ साउनदेखि जारी संयुक्त कर शिविर ३ दिन थपिएको छ । आयोजक थाहानगर उद्योग वाणिज्य संघले सहयोगी निकायहरु आन्तरिक राजश्व कार्यालय र थाहा नगरपालिकासँग समन्वय गरेर संयुक्त कर शिविरलाई २२ साउनसम्म लम्ब्याउने निर्णय गरेको हो ।
अधिकाँश व्यवसायीहरुको आय विवरण बुझाइ कर दाखिला गर्न र साउन महिनाभित्रै बुझाउनुपर्ने अन्तःशुल्क बुझाउन बाँकी देखिएकोले संयुक्त कर शिविर ३ दिन थप गरिएको थाहानगर उद्योग वाणिज्य संघका महासचिब जर्म श्रेष्ठले जानकारी दिए । उनका अनुसार थपिएको ३ दिनमा आय विवरण भरी कर दाखिला, अन्तःशुल्क नवीकरण, थाहा नगरपालिकाको व्यवसाय नवीकरण, नयाँ व्यवसाय दर्ता र कारोबार थपघटसम्बन्धी सेवा उपलब्ध हुनेछ ।
संयुक्त कर शिविर थाहा नगरपालिकाको शिखरकोटस्थित थाहानगर उद्योग वाणिज्य संघको कार्यालयमा सञ्चालन भइरहेको छ ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार, भिडियो, अडियो र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९८५५०७८९१०(सम्पादक)
