मकवानपुर थाहा नगरपालिकामा सहकारी प्रतिनीधिहरुको भेलाले थाहानगर सहकारी समन्वय समिति गठन भएको छ । २१ फागुनमा भएको भेलाले महेश्वर सुवेदीको संयोजकत्वमा १३ सदस्यीय समन्वय समिति गठन गरेको हो ।
समितिको सहसंयोजकमा पुरुषोत्तम कार्की, सचिव राजेन्द्र विडारी, कोषाध्यक्ष कल्पना बलामी चयन भएका छन् । सदस्यहरुमा शिवहरी वर्तौला, संगिता भुजेल, रीता प्रधान, राममाया केसी, सुनमायाँ भोम्जन, फणिन्द्र सुवेदी, मेघराज बलामी चयन भएकाछन् ।
समितिको सल्लाहकारहरुमा नगर प्रमुख लवशेर विष्ट, उपप्रमुख खड्ग गोपाली, प्रमुख प्रशासकीय अधिकृत हरिलाल पुरी चयन भएका छन् । त्यस्तै आमन्त्रित सदस्यहरुमा थाहा नगरपालिकाको सहकारी हेर्ने अधिकृत वा तोकिएको कर्मचारी रहेका छन् ।
थाहा नगरपालिका आर्थिक विकास समितिका संयोजक हेरमान गोपालीको सभाध्यक्षतामा भएको कार्यक्रममा नगर प्रमुख लवशेर विष्टको विशेष उपस्थित रहेको थियो । कार्यक्रममा थाहा–६ का वडा अध्यक्ष शशीधर सुवेदी, जिल्ला सहकारी संघ मकवानपुरका कोषाध्यक्ष विमल कुमार ढकाल, थाहा नगरपालिका प्रशासन महाशाखा प्रमुख अजित घिमिरेलगायतकाको उपस्थिती रहेको थियो ।
यो नेपाली भाषाको अनलाइन पत्रिका हो । हामी तपाईमाझ खासगरी मकवानपुरकाे थाहा नगरपालिका र सँगसँगै तपाईंलाई काम लाग्ने देश-विदेशका समाचार र विचार प्रकाशन गर्छौं । सुझाव, समाचार र विज्ञापनका लागि सम्पर्क : ९७०५०७८९१०
